2010-05-12

རྒྱ་གར་གྱི་ཁུ་བྱུག

adopted koel (koyal) by you.

༡ ཁྭ་ཏས་ཁུ་བྱུག་གི་ཕྲུག་གུ་གསོ་བཞིན་པ། ར་ས་ཕོ་ཉས་དཔར་བླངས།

Asian Koel by Priya Balachandran.

༢ རྒྱ་གར་ཁུ་བྱུག་མོའི་གཟུགས་བརྙན།

คัคคูมรกต Asian Emerald Cuckoo by somchai@2008.

༣ ཡུལ་ལུང་གཞན་གྱི་ཁུ་བྱུག་གི་རིགས་ཤིག

Red chested Cuckoo (Cuculus solitarius) by Arno & Louise.

༤ ཁུ་བྱུག་གི་རིགས་ཤིག

cuckcoo

༥ བོད་ཀྱི་ཁུ་བྱུག



དབྱིན་སྐད་དུ་ཀུག་ཀཽ་cuckooརྒྱ་གར་སྐད་དུ་ཀོ་ཡལ་ (koyal)(koel) བོད་སྐད་དུ་ཁུ་བྱུག་ཞེས་བྱ་བ་དེའི་སྐོར་བཤད་ན། དང་ཐོག་ངས་བོད་དུ་ཁུ་བྱུག་མཐོང་མ་མྱོང་བས་ཁ་པོ་ཆེ་ཞེ་དྲག་བཤད་མ་ཕོད་ཀྱང་། འོན་ཏེ་འདུག་སེ་བསམ་བློ་གཏོང་དུས་གོང་གི་འདྲ་པར་དང་པོའི་ནང་གི་ཀོ་ཡལ་ཞེས་པའི་བྱ་དེ་རྒྱ་གར་གྱི་ཁུ་བྱུག་དུ་ངོས་འཛིན་ཆོག་གམ་སྙམ། སྤྱིར་བཏང་ཀོ་ཡལ་ཞེས་པའི་བྱ་དེ་ཆར་མགོ་མ་འཛུགས་ཙམ་ལ་ཡོང་གི་འདུག་ལ། དེ་དུས་མྱང་ངན་མེད་ཤིང་ལྡོང་སོགས་ཀྱི་འབྲས་བུ་དག་ཟ་བར་བྱས་ཤིང་། སྐད་ཆེན་པོ་སྙན་པོ་དེ་དག་རྒྱག་གི་འདུག འཚམས་རེ་སྔ་ཐོག་ཆུ་ཚོད་ལྔ་པ་ཙམ་དེ་པ་ལྒེ་ཁུང་གི་ཁྲིད་ལ་ཡོང་ནས་སྐད་རྒྱག་གི་འདུག ཀོ་ཡལ་ཞེས་པའི་བྱ་དེར་ཡ་མཚན་དགོས་པ་གཉིས་འདུག དེ་ཡང་བྱ་དེའི་རིགས་ལ་ཕོ་མོ་གཉིས་སྤུ་མདོག་བེད་དེ་མི་འདྲ་བ་རེད། གཅིག་ནི་ནག་པོ་ནག་རྐྱང་དང་། གཅིག་ཤོས་ནི་ཁྲ་ཁྲ་རེད་འདུག ཡང་ཡ་མཚན་པ་གཞན་ཞིག་ནི་བྱ་དེའི་དབྱར་མགོ་ལ་གྲོང་གསེབ་ཏུ་སླེབས་ཏེ་ཤིང་འབྲས་དེ་དག་ལོངས་སྤྱོད་པའི་ཞོར་ལ་ཁྭ་ཏའི་༼མཚོན་དཔེ་འདྲ་༽ཚང་དུ་འཛུལ་ཞུགས་བྱས་ནས་སྒོ་ང་གཏོང་གི་འདུག དེ་ཡང་བྱ་ཕོ་དེས་ཁྭ་ཏའི་ཨ་མ་དེར་བརྙས་པར་བྱས་ཏེ་ཚང་གི་ཕྱི་རོལ་ཁྲིད་པའི་དུས་སྐབས་སུ་རྒྱ་གར་གྱི་ཁུ་བྱུག་མོ་དེས་ཁྭ་ཏའི་ཚང་དུ་ཞུགས་པར་བྱས་ཀྱི་འདུག རྗེས་མ་ཁྭ་ཏའི་ཚང་ནང་རྒྱ་གར་གྱི་ཁུ་བྱུག་ཀོ་ཡལ་གྱི་ཕྲུག་གུ་སྐྱེད་ཀྱི་འདུག་ལ་ཁྭ་ཏའི་ཨ་མས་ཀྱང་གསོ་སྐྱོང་བྱས་ཀྱི་འདུག
གོང་གསལ་དེ་ཚོ་ངས་མིག་གི་མཐོང་བ་དང་ལམ་སེང་དཔར་ཡང་བླངས་པ་ཡིན། དེ་སྔོན་ཀོ་ཡལ་གྱི་སྤྱོད་པ་དེ་འདྲ་ཡོད་པ་ངས་དེབ་དེ་འདྲའི་ནང་མཐོང་བ་ལས་མངོན་སུམ་དུ་རིག་མ་མྱོང་།

ཀོ་ཡལ་ནི་བྱ་ཀུག་ཀཽ་ཡི་ཁུངས་སུ་གཏོགས་པ་འཛམ་གླིང་ཡོངས་གྲགས་ཡིན། དེ་བཞིན་དུ་ང་ཚོ་བོད་ཀྱི་ཁུ་བྱུག་ཡང་བྱ་ཀུག་ཀཽ་ཡི་ཁུངས་སུ་ཆ་འཇོག་བྱེད་ཀྱི་ཡོད། ཀུག་ཀཽ་ལ་ཚན་མདོག་འདྲ་མིན་མང་པོ་འདུག་པས། ཁུ་བྱུག་བྱ་བ་ནི་ང་ཚོ་བོད་ལ་ཡོད་པ་དེ་དང་གཅིག་པ་གཅིག་རྐྱང་ཞིག་ལ་གོ་རྒྱུ་མ་ཡིན་པར་དེའི་རིགས་ཡོངས་རྫོགས་ལ་གོ་དགོས་སྙམ། དེ་འདྲ་བེད་སྤྱོད་བྱས་ན་བོད་ཀྱི་ཁུ་བྱུག་ཞེས་པའི་མིང་ཚིག་དེ་ནུས་པ་ཆེ་རུ་སོང་བ་རེད་ཡ།

No comments:

Post a Comment

བསམ་འཆར་གང་མང་གནང་ན་དགའ་བསུ་ཡོད།