མདོ་ལས་ལྷ་མ་ཡིན་ནི་བདུད་ཀྱི་རིས་ཀྱི་ཡི་དྭགས་དང་དུད་འགྲོའི་ནང་དུ་བསྡུས་པར་བཤད་ཅིང་། སློབ་དཔོན་ཐོགས་མེད་ཀྱིས་ལྷ་ཡིན་ཀྱང་ལྷ་ཡི་ཆོས་སྤངས་པས་ལྷ་མ་ཡིན་ཞེས་གསུངས་པས་ལྷ་དང་ཡི་དྭགས་དང་དུད་འགྲོའི་རིགས་ཀྱིས་བསྡུས་པ་ཡོད་དོ།།
འོ་ན་དྲི་ཟ་བྱ་བ་གང་ཡིན་ལྷ་མ་ཡིན་ཡིན་ནམ་ཞེ་ན།
དྲི་ཟ་ནི་བར་སྲིད་པ་དང་། ལྷའི་རོལ་མོ་མཁན་གཉིས་གོ་ཞིང་། དང་པོ་ནི་འདོད་གཟུགས་དུ་སྐྱེ་འགྱུར་གྱི་སྐྱེ་བ་སྔ་མའི་འཆི་སྲིད་དོར་བའི་བར་དུ་སྲིད་པ་འཚོལ་གྱི་བར་བ་དེ་ཡིན་ལ། གཉིས་པ་ནི་ལྷ་་ཡིན་ནོ།།
དེ་བཞིན་དུ་གྲུལ་བུམ་དང་ལུས་སྲུལ་པོ་ཡི་དྭགས་དང་ལྷར་གཏོགས་ཡིན་ལ། ཀླུ་དང་ནམ་མཁའ་ལྡིང་དང་མིའམ་ཅི་དང་ལྟོ་འཕྱོ་ཆེན་པོ་རྣམས་ནི་དུད་འགྲོར་གཏོགས། ཤ་ཟ་དང་སྨྱོ་བྱེད་དང་མ་མོ་སོགས་ནི་ཡི་དྭགས་སུ་གཏོགས་སོ།། ཀླུ་ཡི་དྭགས་སུ་གཏོགས་པའང་ཡོད།
འོ་ན་སྲིན་བུ་གང་དུ་གཏོགས་ཟེར་ན། སྲིན་བུ་ནི་མིའི་བྱེ་བྲག་ཡིན། གནོད་སྦྱིན་དང་ཕྱོགས་སྐྱོང་སོགས་དང་བདུད་རྣམས་ནི་ཕལ་ཆེར་ལྷའི་སྡེར་གཏོགས་སོ།།
No comments:
Post a Comment
བསམ་འཆར་གང་མང་གནང་ན་དགའ་བསུ་ཡོད།