2010-05-14

འབུ་འདིའི་མིང་ལ་"ཏྲི་"ཟེར་རམ།

འབུ་འདི་ནི་ང་རང་དང་ཆུང་ཆུང་སྒང་ནས་ད་བར་གྲོགས་པོ་བསྒྲིགས་ནས་དཔེ་དེབ་ཀྱི་བར་བསྡད་པ་ཡིན། ངའི་འབུ་འདིའི་རིགས་ཀྱི་མིང་ད་བར་ཤེས་ཀྱི་མེད་ལ། ཤེས་འདོད་ཀྱང་བྱས་མྱོང་མེད། འོན་ཀྱང་མཚམས་རེ་ངས་ཡུན་རིང་མ་བལྟས་པའི་དཔེ་དེབ་དེ་འདྲ་ཁ་ཕྱེ་དུས་ཁོང་ཚོ་ནི་དེར་ཐོག་མར་སླེབས་བསྡད་ཀྱིས། ངས་ཁོང་ཚོ་ནི་དཔེ་ཆ་ལ་ཤི་འཐམ་རོ་འཐམ་བྱེད་མཁན་ཞིག་དང་རྒྱུན་དུ་ང་དང་འདྲེས་འདྲིས་ཆེ་བའི་གྲོགས་པོ་ཞིག་ངོས་འཛིན་བྱེད་ཀྱི་ཡོད། མཚམས་རེ་ངའི་ཁོང་ཚོ་མཐོང་དུས་ང་རང་ཡང་ཁོང་ཚོ་དང་འདྲ་པོ་ཞིག་རེད་དྲན་གྱི་འདུག ངའི་ད་བར་ཁོང་ཚོ་ལ་སྙན་ངག་ཞིག་བྲི་འདོད་ཀྱང་འབུ་དེའི་མིང་མ་ཤེས་བཏབ་ད་བར་ལུས་སོང་། ད་ལན་ཆེད་མངགས་འབུ་དེའི་མིང་དྲིས་དུས། འབུ་དེའི་མིང་ལ་"ཏྲི་"རེད་ཟེར།

ཉིན་མཚན་ཀུན་ཏུ་དཔེ་ཆ་དག་གི་ནང་།།
མགོ་བོ་བརྒྱུས་ནས་མི་ཚེ་བསྐྱལ་བ་ལས།།
ནང་དུ་སེམས་ལ་ཡར་རྒྱས་མ་བཏང་ན།།
གང་ཟག་དེ་ནི་འབུ་སྲིན་ཏྲི་དང་མཚུངས།།

No comments:

Post a Comment

བསམ་འཆར་གང་མང་གནང་ན་དགའ་བསུ་ཡོད།